Aðalsíða - Medier i Norden

Medier i Norden Aðalsíða á íslensku
Safn: Ársfjórðungsleg útgáfa \| Velkommen \| Tervetuloa \| Welcome \| Yfirlit

	Medier i Norden 1994 - 2003 Ný ársfjórðungsútgáfa af Medier i Norden er tilbúin (desember 2003), á grundvelli frétta úr Medier i Norden: Samantekt, fréttapistill á skandinavísku. Árið 2004 verður gott nýtt ár fyrir Medier i Norden: Útgáfunni verður breytt og ég held áfram sem ritstjóri í spennandi samstarfi við NORDICOM. Útgáfan verður framvegis á vegum NORDICOM (Nordiskt Informationscenter för Medie- och Kommunikationsforskning, Norrænt þekkingarsetur í fjölmiðla- og samskiptarannsóknum), þekkingarsetur sem stutt er m.a. af Norrænu ráðherranefndinni og staðsett í háskóla Gautaborgar. NORDICOM-miðstöð er að finna á öllum Norðurlöndum. Ætlun NORDICOM er að kynna þekkingarvefsetur sem nefnist Nordic Media Trends á síðari helmingi ársins 2004. Á setrinu verður m.a. að finna tölfræði um fjölmiðla, löggjöf um fjölmiðla á Norðurlöndum, lýsingu á stefnumótun í fjölmiðlamálum innan ESB – og fréttabréfið Medier i Norden. Hér er þá um að ræða framhald á mörgu af því sem Medier i Norden hefur getað boðið upp á og ennfremur er veruleg gróska í formi nýrra tilboða og þjónustu. Ný útgáfa af Medier i Norden er birt bæði á gamla veffanginu: www.nmn.org og á veffangi NORDICOM: www.nordicmedia.info/min. Frá og með síðari árshelmingi birtist "nýja" útgáfan af Medier i Norden aðeins á vefsetrinu Nordic Media Trends. Öll fréttabréf eru gefin út samhliða á skandinavísku (blöndu af dönsku, norsku og sænsku) og ensku. Fréttabréfið kemur út í febrúar/mars, júní, september, nóvember og desember. Í fimmta fréttabréfinu, hinu síðasta á árinu, verður samantekt um þá þróun sem á sér stað í fjölmiðlum í Norðurlöndin. Gleðilegt nytt ár! Með bestu kveðju Terje Flisen ritstjóri

	Medier i Norden (til 1999: Nordisk Medie Nyt) er fréttabréf Norrænu Ráðherranefndarinnar um stefnuna og þróunina í fjölmiðlamálum - á Norðurlöndum og á alþjóðavettvangi. Stýrihópur Norrænu ráðherranefndarinnar um menningar- og fjölmiðlasamstarf hefur verið í hlutverki ráðgjafa. Áður voru starfandi á vegum Nordisk Medie Nyt/Medier i Norden ritstjórar í hverju landi sem voru starfsmenn menningar-, menntamála- og samgönguráðuneytna á Norðurlöndum. Medier i Norden (Nordisk Medie Nyt) var prentað og gefið út fjórum sinnum á ári fram til 1998, síðan var gefin út samantekt einu sinni á ári á tímabilinu 1999 – 2002 (á við um útgáfur á öllum tungumálum varðandi Medier i Norden). Netútgáfan á skandinavísku hefur verið tvíþætt: - Ársfjórðungsútgáfa sem hefur beint kastljósinu að mismunandi hlutum hins æ margbreytilegri fjölmiðlageira, gjarnan að viðbættri nýjustu tölfræði um fjölmiðlamál. - Fréttapistill, að nafni Samantekt, þar sem var að finna stutta fróðleiksmola um málefni norrænna og alþjóðlegra fjölmiðla. Auk aðalútgáfunnar á skandinavísku hefur verið gefinn útdráttur af þessum fróðleiksmolum í Samantek á finnsku, íslensku og ensku. Útgáfurnar á finnsku og ensku voru áður prentaðar og gefnar út fjórum sinnum á ári en voru settar á Netið frá og með árinu 1998. Eldri árgangarnir (Nordisk Medie Nyt fram til 1999) hafa einnig verið lagðir á netið, og er sú elsta frá marsmánuði 1994. Heimilt er að vitna í Medier i Norden án sérstaks leyfis ef heimildar er greinilega getið.
	Ritstjóri Ábyrgðarmaður Terje Flisen (TF) Per Unckel, framkvæmdastjóri Postboks 1726 Vika Nordisk Ministerråd, 0121 Oslo, Norge Store Strandstræde 18 Tlf. (+ 47) 22 36 46 45 DK-1255 København K., Danmark Medier i Norden (áður Nordisk Medie Nyt) ISSN 1396-9331 rafræn útgáfa.