Medier i Norden - Ársfjórðungsleg útgáfa - á íslensku

Medier i Norden Fyrsta ársfjórðungsútgáfa 2003
Aðalsíða - á íslensku \| Safn: Ársfjórðungsleg útgáfa \| Yfirlit

Efnisyfirlit

Ársfjórðungsútgáfur á Medier i Norden
á íslensku eru til á netinu frá og með árinu 1998. Í þeim er að finna útdrátt á íslensku úr greinunum í Medier i Norden á skandinavísku: Resymé.

Öllum er frjálst að vitna í Medier i Norden ef heimildar er greinilega getið.

Ritstjóri                                                  Ábyrgðarmaður
Terje Flisen (TF)                                      Per Unckel, framkvæmdastjóri
Postboks 1726 Vika                                 Nordisk Ministerråd,
0121 Oslo, Norge                                     Store Strandstræde 18
Tlf. + 47 22 36 46 45                                DK-1255 København K., Danmark

Medier i Norden (áður Nordisk Medie Nyt) ISSN 1396-9331 rafræn útgáfa.

Danmörk

2.4.2003: Samningur um samstarf milli Danmarks Radio, TV 2 og kvikmyndageirans

Margir hafa beðið samningsins sem DR, TV 2 og Félag framleiðenda hafa nú gert um kjör vegna þátttöku sjónvarpsfélaganna í danskri kvikmyndaframleiðslu. Danska kvikmyndastofnunin er tengiliður milli aðila. Viðræður hafa farið fram í nokkra mánuði á meðan kvikmyndaframleiðslan hefur legið niðri og beðið hefur verið eftir samningi.

"Fjölmiðla- og kvikmyndasamningar ríkisstjórnarinnar sem hafa verið gerðir á árinu 2002 ákvarða bæði framlög sjónvarpsstöðvanna og hins opinbera til kvikmyndaframleiðslu næstu fjögur árin og tryggja þar með samfellu í framleiðslu danskra gæðakvikmynda", segir í fréttatilkynningu frá dönsku kvikmyndastofnununni.

Hver sjónvarpsstöð skal samkvæmt fjölmiðlasamningnum verja sem svarar 680 milljónum íslenskra króna til þátttöku í ýmsum afbrigðum danskrar kvikmyndaframleiðslu á tímabilinu 2003-2006. Þar af eiga 35 milljónir að fara í kaup á sýningarréttindum og fjárfestingu í dönskum bíómyndum. Þátttaka sjónvarpsstöðvanna verður að meðaltali allt að 20% af framleiðslukostnaði kvikmyndar.

Fjárhagsleg þátttaka sjónvarpsstöðvanna kemur til með að ráða úrslitum um fjármögnun 16-20 bíómynda árlega. Þegar myndirnar hafa verið sýndar í kvikmyndahúsunum og þeim hefur verið dreift á myndböndum og DVD koma sjónvarpsstöðvarnar til með að tryggja að þær gagnist sjónvarpsáhorfendum", segir í fréttatilkynningu.

Heimild: Danska kvikmyndastofnunin

21.2.2003: TV 2 er tilbúið fyrir einkavæðingu

"Grundvöllur er til þess að reka TV 2 sem hlutafélag á þeim kjörum sem fólgin eru í fjölmiðlasamkomulaginu 2002-2006", segir í fréttatilkynningu frá menningarmálaráðuneytinu.

"Einkavæðing sem fylgir í kjölfarið kemur til með að efla viðskiptalega þróunarmöguleika TV 2 og tekjugrundvöll fyrir m.a. dagskrárframleiðslu. Jafnframt ber að tryggja TV 2 aðgang að áhættufjármagni hjá einkaaðilum ef sjónvarpsstöðin á til langs tíma að geta viðhaldið tekjugrundvelli sínum og miklum gæðum í dagskrá. Þetta er meðal niðurstaðna í tveim skýrslum sem menningarmálaráðuneytið hefur nýverið tekið við frá annars vegar Pricewaterhouse Coopers og hins vegar Danske Bank.

'Skýrslurnar leiða að því líkur að einkavætt TV 2 verði í stakk búið til að mæta ákveðnum almenningsþjónustuskilmálum, jafnvel þótt afnotagjaldið til TV 2 verði afnumið. Jafnframt er það metið svo að einkavæðing verði ekki síst til lengri tíma litið ávinningur fyrir TV 2 og ekki síst fyrir áhorfendur sem verður einnig í framtíðinni tryggt gott úrval af m.a. fréttum, dönskum kvikmyndum, íþróttum og skemmtiefni. Við teljum þess vegna að grundvöllur sé fyrir hendi til að halda áfram með einkavæðingu ' segja ríkisstjórnarflokkarnir og Danski þjóðarflokkurinn."

Heimild: Menningarmálaráðuneytið

Fara efst á síðuna

Finnland

19.3.2003: Fjögur ný einkaleyfi fyrir stafrænu sjónvarpi

"Ráðherra hefur veitt fjórum nýjum fyrirtækjum einkaleyfi til stafrænna sjónvarpssendinga" að sögn Internytt.

Canal+ Finnland Oy fékk einkaleyfi fyrir þrem greiðslurásum fyrir kvikmyndir og Vizor Oy sjónvarpsmarkaðsrás. Janton Oy fékk svæðisbundið einkaleyfi fyrir Birkaland og Åbo Kabeltelevision fyrir Åbo.

Kjörum SubTV var breytt þannig að rásinni er ekki lengur heimilt að senda svæðisbundna dagskrá.

Kimmo Sasi, fjarskiptamálaráðherra segir að nýju rásirnar stuðli að því að stafrænt sjónvarp verði æ algengara".

Heimild: Menntamálaráðuneytið

10.3.2003: YLE óskar eftir hærra sjónvarpsgjaldi

YLE þarfnast meiri tekna árið 2004 og framkvæmdastjóri YLE, Jussi Tunturi, metur að 10 % hækkun á afnotagjaldi sjónvarps sé æskileg að sögn Internytt.

Þetta felur í sér rúmlega 20 evra hækkun á gjaldinu á ári segir Tunturi við blaðið Aamulehti.

Heimild: : Internytt/Aamulehti

Fara efst á síðuna

Ísland

19.3.2003: Meira horft á sjónvarp á Íslandi

Árið 2002 horfði hver Íslendingur að meðaltali á sjónvarp í tvo klukkutíma og 41 mínútu daglega, samkvæmt könnun Gallup á Íslandi. Þetta er hátt í 40 mínútum lengri tími en meðal-Íslendingurinn varði fyrir framan sjónvarpið árið 1998.

Um leið og sjónvarpsáhorf hefur aukist hefur orðið mikill vöxtur í útleigu á myndböndum og DVD-diskum. Einnig er mikil aðsókn í kvikmyndahús og leikhús, á höfuðborgarsvæðinu er hægt að velja úr um 20 mismunnadi leiksýningum í hverri viku og kvikmyndasölum hefur fjölgað mjög. Íslendingar virðast því hafa æ meiri tíma aflögu fyrir hvers konar afþreyingu.

Heimild: Menntamálaráðuneytið

10.3.2003: Síminn hefur stafræna dreifingu sjónvarps

Síminn Breiðband hefur hafið stafræna dreifingu sjónvarps á breiðbandsbneti sínu samhliða því að halda áfram að sinni með hefðbundna sjónvarpsdreifingu. Síminn hóf undirbúning að hinu stafræna sjónvarpi á síðasta ári og hefur uppsetning og prófanir gengið eftir áætlun.

Segir í tilkynningu frá Símanum að í upphafi verði rúmlega 40 sjónvarpsstöðvar í boði í þremur áskriftarpökkum ásamt yfir 20 erlendum útvarpsstöðvum sem sérhæfa sig í tema-tónlist.

Meðal tækninýjunaga er rafrænn dagskrárvísir og sérstök veðurrás sem sýnir veður og veðurspá allan sólarhringinn á höfuðborgarsvæðinu og ýmsum stöðum á landinu.

Heimild: Menntamálaráðuneytið

Fara efst á síðuna

Noregur

31.3.2003: Fjölmiðlamælir 2002 gefur til kynna að Norðmenn lesa fleiri bækur

Á meðaldegi lesa 23 prósent Norðmanna bækur, samkvæmt rannsókn Fjölmiðlamælis (Mediebarometer 2002) sem Hagstofa Noregs stendur fyrir.

Fyrir fimm árum lásu aðeins 17 prósent bók á venjulegum degi. Flestar bækur lesa hámenntaðar konur í borgum og bæjum.

Internet- og tölvunotkun Norðmanna hefur ekki aukist neitt að ráði undanfarið ár eftir því sem rannsóknin sýnir.

Fjölmiðlamælirinn 2002 býður líka upp á yfirlit yfir tímann sem Norðmenn verja í fjölmiðlanotkun. Að meðaltali verja Norðmenn á aldrinum 9-79 ári 14 mínútum á hverjum degi til að lesa bækur. Hálftíma er varið í lestur dagblaða, en næstum tveim og hálfri klukkustund er varið í að horfa á sjónvarpið.

Bækur, tímarit, heimilistölvur og Internet nota langskólagengnir í meiri mæli en þeir sem minni menntun hafa, ef marka má Fjölmiðlamælinn 2002.

Heimild: Hagstofa Noregs

28.2.2003: Útboð á nýju útvarpseinkaleyfi

Nýtt einkaleyfi til rekstrar hljóðvarpsrásar á FM-tíðni sem nær til alls landsins er boðið út á vegum menningar- og kirkjumálaráðuneytisins. Einkaleyfið á að gilda frá og með 1. janúar 2004.

"- Við viljum efla menningarþáttinn í heildarútvarpstilboðinu til almennings. Þess vegna bjóðum við út einkaleyfi þar sem sendingar rásarinnar eiga að hvíla á lögmálunum um almenningsútvarp, þar sem stöðin framleiðir eigin fréttir og fréttaskýringarþætti og hefur skýra menningarstefnu sem endurspeglar margbreytilegar hliðar norsks og alþjóðlegs menningarlífs" segir Valgerd Svarstad Haugland ráðherra í fréttatilkynningu.

Rásin skal ná til minnst 60 af hundraði af íbúum af FM-tíðni og ná til allra fylkja landsins.

Frestur til að sækja um einkaleyfið er til 30. apríl 2003 kl. 1400. Ráðuneytið miðar við að geta veitt leyfið fyrir sumarið. Sendingarnar mega hefjast í síðasta lagi 1. júlí 2004. Leyfistíminn er 10 ár.

Heimild: Menningar- og kirkjumálaráðuneytið

Fara efst á síðuna

Svíþjóð

21.3.2003: Stafræn sjónvarpsnet eru aukin – minnst átta rásir inn á heimili landsins

"Unnt á að vera að taka á móti minnst átta sjónvarpsrásum í öllu landinu. Þetta leggur ríkisstjórnin til í frumvarpi um stafrænar sjónvarpssendingar sem í dag verður skilað til þingsins. Stafræn sjónvarpsnetin aukin Analógar sjónvarpssendingar verða lagðar af í áföngum og því skal vera lokið 1. október 2007" segir í fréttatilkynningu frá menningarmálaráðuneytinu.

Stafrænar sendingar um netið á jörðu niðri voru hafnar árið 1999 og ná nú til um 90 af hundraði íbúanna. Smíði tveggja nýrra sendinganeta á að auka þessa tölu í 98 prósent.

"Skipuð verður nefnd til að skipuleggja umskiptin og samræma upplýsingar til almennings. Mikilvægt er að þeir sem stjórna tæknibreytingunum vinni saman til þess að neytendur fái góðar leiðbeiningar og breytingarnar gangi snurðulaust. Nefndin á því að vera í nánum tengslum við stjórnvöld, sjónvarpsfélög, drefingaraðila og rafeindafyrirtæki sem sinna einkaheimilum, og einnig samtök sem eru fulltrúar mismunandi hópa neytenda" segir í fréttatilkynningunni.

Heimild: Menningarmálaráðuneytið

31.1.2003: Bækur og tímarit eru orðin ódýrari eftir breytingu á virðisaukaskatti

"Bækur og tímarit hafa orðið ódýrari í kjölfar virðisaukaskattslækkunar" segir í niðurstöðum áfangaskýrslu bókaverðsnefndarinnar til Marita Ulvskog, menningarmálaráðherra, segir menningarmálaráðuneytið.

"Nefndin sem skipuð var árið 2002 í því skyni m.a. að fylgja verðþróun á bókum, tímaritum o.fl. og rannsaka hana eftir 1 janúar 2002 þegar virðisaukaskatturinn á þessum vörum var lækkaður úr 25 prósentum, kemst að þeirri niðurstöðu í nýrri skýrslunni að niðurstaðan sem gerð var grein fyrir í fyrstu skýrslunni sé nú staðfest. Einnig ári síðar hefur lækkun virðisaukaskatts leitt til ódýrari bóka og tímarita segir í fréttatilkynningu."

Heimild: Menningarmálaráðuneytið

Fara efst á síðuna

Norðurlöndin

17.3.2003: Norrænn sjónvarpspakki til Austur-Evrópu

Fimm norrænu almenningsþjónusturásirnar sem starfa saman í Nordvision bjóða nú sjónvarpsfyrirtækjum í Eystrasaltslöndum og á Balkanskaga pakka með 325 klukkustunda sjónvarpsefni, segir í Fréttabréfi DR. Pakkinn er seldur í gegnum European Broadcasting Union (EBU).

"Í pakkanum eru leikrit úr eigin smiðju, barna- og unglingaþættir, sem eru boðnir austurevrópskum almenningsþjónustustöðvum við hagstæðu verði - eða því verði sem þær eru í stakk búnar til að borga.

Tilgangurinn er að veita austuravrópskum almenningsþjónustustöðvum möguleika á að efla sig í samkeppni við sjónvarpsrásir sem reknar eru í viðskiptaskyni", segir meðal annars í Fréttabréfi DR.

Heimild: Fréttabréf DR

9.1.2003: Svíþjóð forgangsraðar fjölmenningarlegum Norðurlöndum

Svíar fara með formennsku í Norrænu ráðherranefndinni árið 2003 og þeir koma til með að leggja áherslu á fjölmenningarleg Norðurlönd segir í fréttatilkynningu frá sænska menningarmálaráðuneytinu, þar sem gerðar eru athugasemdir við starfsáætlunina fyrir menningar- og fjölmiðlasviðið.

Tvö mál tengd fjölmiðlum eru nefnd sérstaklega:

"Í því skyni að stuðla áfram að öflugum almenningsþjónustufyrirtækjum verður menningarmálaráðherrum Norðurlanda og umsóknarlanda boðið til fundar um sjónvarpstilskipun ESB.

Spurningunni um varanleg norræn kvikmyndaverðlaun voru gerð skil."

Heimild: Sænska menningarmálaráðuneytið

Fara efst á síðuna