Danmörk
22.11.2000: Atvinnu- og menningarmál þétt samofin
Pia Gjellerup, atvinnumálaráðherra og Elsebeth Gerner Nielsen mennningarmálaráðherra hafa lagt fram greinargerð í menningar- og atvinnumálum. Nánara samspil milli menningarlífs og atvinnulífs leysir úr læðingi nýtt afl í samfélaginu, eflir framleiðslu danskrar listar og menningar og ýtir undir sköpun, hugmyndaauðgi og nýsköpun í atvinnulífinu, segir í fréttatilkynningu fra menningarmálaráðuneytinu.
Nú þegar veltir menningargerinn um 75 miljörðum danskra króna, veitir um 60.000 manns atvinnu og aflar Danmörku útflutningstekna að fjárhæð 16 miljarða danskra króna - og vaxtarstuðullinn er meðal hinna hæstu í dönsku atvinnulífi.
Samkvæmt greinargerðinni eru eiginleikar listarinnar og menningarinnar - m.a. sköpunargáfan og sá hæfileiki að geta sagt sögu - í þann mund að verða veigamiklir þættir í samkeppni margra fyrirtækja. Jafnframt gegnir menningin vaxandi hlutverki í samkeppninni um að laða að starfsmenn, ferðamenn og fjárfesta.
Þetta samspil virðist ekki vera neitt stundarfyrirbrigði heldur liður í alþjóðlegri breytingaöldu þar sem hæfni til aðlögunar og nýsköpunar verður æ mikilvægari, þar sem unnt er að kaupa gildi og ímynd á markaði og þar sem stórfyrirtæki í skemmtanaiðnaðinum á borð við Walt Disney, AOL/Time Warner og Sony ráða yfir á stærri hluta menningar- og fjölmiðlageirans. Danir geta sett sitt mark á þessa þróun - og mótað sinn eigin farveg - en til þess að svo geti orðið verður að leggja eitthvað af mörkum.
Annars stendur Dönum fátt annað til boða en Disney og bandarískar sjónvarpsþáttaraðir. Ríkisstjórnin leggur því fram 13 tillögur að aðgerðum sem er ætlað að efla samspilið milli menningar og atvinnulífs. Meðal annars hvetur ríkisstjórnin Vaxtarsjóðinn (VækstFonden) til þess ásamt fjárfestum á almennum markaði að fjárfesta í kvikmyndafjárfestingarsjóði, segir í fréttatilkynningunni.
Heimild: Menningarmálaráðuneytið
15.11.2000: Allt tilbúið fyrir uppbyggingu stafræns sjónvarps
„Nú hefur verið gefið grænt ljós á uppbyggingu stafræns sjónvarps á jörðu niðri í Danmörk”, segir í fréttatilkynningu fra menningarmálaráðuneytinu. „Það felur í sér að Danir geti væntanlega innan fárra ára tekið á móti 20 dönskum stafrænum sjónvarpsrásum um þeirra eigið venjulega stofuloftnet. Þó er nauðsynlegt að hafa stafrænt sjónvarpstæki með svonefndu set-top-boxi.
Gert er ráð fyrir að nýju stafrænu rásirnar verði boðnar út á árinu 2001. Þó verður DR og TV 2 fyrirfram úthlutað fjórum stafrænum rásum svo að senda megi allar dagskrár þeirra með stafrænum hætti, jafnframt því sem þær verði sendar á hefðbundinn hátt - „analógt”.
Endanleg ákvörðun er tekin af flokkunum sem standa að baki Fjölmiðlasamkomulaginu 2001-2004 en Elsebeth Gerner Nielsen, mennningarmálaráðherra, hyggst bjóða þeim flokkum sem standa utan fjölmiðlasamkomulagsins að taka þátt í framkvæmd samningsins um stafrænt sjónvarp, svo að sem breiðastur meirihluti sé að baki þessari mikilvægu ákvörðun í fjölmiðlamálum.
Strax í tengslum við fjölmiðlasamkomulagið 1997-2000 var tekin stefnumarkandi ákvörðun um að nota þriðju sjónvarpsrásina sem nær til alls landsins fyrir stafrænt sjónvarp á jörðu niðri. Síðar voru hafnar tilraunir en í tengslum við nýja fjölmiðlasamkomulagið í marsmánuði í ár kusu aðildarflokkarnir að samkomulaginu að láta sérfræðinga líta á málið í ljósi nýjustu tækniþróunar. Sérfræðingarnir mæltu með því að staðið yrði við ákvörðunina þar eð aðvelt og ódýrt er að koma stafrænu sjónvarpi á jörðu niðri út til allra notenda.
Elsebeth Gerner Nielsen, mennningarmálaráðherra hefur með frumvarpi sínu til breytinga á útvarpslögunum skapað möguleika á að aðrir en DR og sjónvarp2 geti sjónvarpað til alls landsins á jörðu niðri. Samkvæmt lagafrumvarpinu skal stofnuð útvarpsnefnd sem á að bjóða út m.a. stafrænar rásir. Nefndin skal einnig velja hver eigi eigi að senda á einstökum rásum”, segir m.a. í fréttatilkynningunni.
Heimild: Menningarmálaráðuneytið
Medier i Norden