Medier i Norden

Auk þess sjónvarpar YLE á tveim rásum frá Ólympíuleikunum í Sydney í því skyni að prófa tæknina frá miðjum septembermánuði til loka leikanna.

39 prósent Finna geta í dag notið góðs af stafrænum sendingum. Markmiðið er að stafræna sjónvarpsnetið nái um loftnet á jörðu niðri til um 70 prósenta af þjóðinni um áramótin 2001/2002.

27. ágúst 2001 er upphafsdagur stafrænnar sendingar á öllum rásum í Finnlandi. Átta nýjar rásir bætast við. Frá YLE: fréttarás, menningarrás, fræðslurás, vísindarás og rás á sænsku. Rásir sem reknar er í viðskiptaskyni: City-TV, íþróttarás, kvikmyndarás Helsinki Media, fræðslurás WSOY, Wellnet og Canal+.

Heimild: YLE

Á sama tíma fjölgaði gestum kvikmyndahúsa á höfuðborgarsvæði einungis um átta þúsund milli ára samanborið við um 75 þúsund milli áranna 1997 og 1998. Alls voru kvikmyndahúsagestir á landinu öllu á síðasta ári 1.574.770 talsins eða ríflega 56 þúsund fleiri en árið 1998. Þetta jafngildir því að hver landsmaður hafi nær sex sinnum sótt kvikmyndasýningar á árinu. Aukinn áhorfendafjölda að kvikmyndasýningum utan höfuðborgarsvæðisins má rekja til þeirrar nýbreytni að kvikmyndir eru nú frumsýndar samtímis í stærri kvikmyndahúsum á landsbyggðinni og á höfuðborgarsvæðinu.

Landsmenn greiddu samtals um 958 milljónir króna í aðgangseyri að kvikmyndasýningum á árinu, þar af einar 16 milljónir vegna kvikmyndahátíða og sérsýninga. Seldir voru aðgöngumiðar að almennum sýningum á höfuðborgarsvæði fyrir um 842 milljónir, er nemur um 89% af heildarandvirði seldra miða á landinu öllu. Hlutur íslenskra kvikmynda nam rúmum 2% miðað við andvirði greiddra aðgöngumiða, en um 1,5% sé miðað við aðsókn. Gengi íslenskra kvikmynda hefur ekki verið jafn lítið um langt árabil. Að venju var hlutur bandarískra kvikmynda langsamlega stærstur. Markaðshlutdeild mynda af bandarískum uppruna var hátt í 90% hvort heldur er miðað við verðmæti seldra miða eða aðsókn á almennar kvikmyndasýningar á höfuðborgarsvæði.

Frumsýndar voru 194 leiknar kvikmyndir í fullri lengd á árinu samanborið við 158 myndir á árinu á undan. Frumsýndar myndir voru að venju flestar bandarískar eða 156 – átta af hverjum tíu myndum – breskar myndir voru 13 og norrænar sex. Teknar voru til sýninga tvær íslenskar kvikmyndir í fullri lengd á árinu. Kvikmyndir sýndar á kvikmyndahátíðum og sérsýningum voru 47 talsins. Á árinu 1999 voru starfrækt 25 kvikmyndahús með 46 sýningarsölum á 18 stöðum á landinu. Þar af voru kvikmyndahús og salir utan höfuðborgarsvæðisins 18 og 20 talsins. Sætaframboð kvikmyndahúsa var rúmlega 9.600 og fjöldi sýninga að meðaltali á viku um 780.

Meðfylgjandi er töfluyfirlit um kvikmyndasýningar og starfsemi kvikmyndahúsa á árunum 1995–1999. Athygli skal vakin á því að ítarlegri umfjöllun í tölum um kvikmyndasýningar og starfsemi kvikmyndahúsa er að finna í eftirtöldum ritum Hagstofunnar: Fjölmiðlun og menningu 1999, Landshögum og Hagtíðindum.

Heimild: Hagstofa Íslands

„– Við þurfum gæðarás sem vill efla norska tungu, menningu og ímynd”, segir Ellen Horn að því er segir í fréttatilkynningunni.

Umsóknarfrestur er til 21. febrúar 2001 vegna einkaleyfisins sem nú er í höndum TV2. „Veiting einkaleyfisins er tveggja þrepa ferli. Fyrra þrepið felst í forvali þar sem umsækjendur eiga að gera grein fyrir áætlunum sínum um hvernig þeir hyggjast fullnægja þeim skilyrðum um almenningsútvarp sem koma til með að gilda fyrir einkaleyfið. Menningarmálaráðuneytið ákveður síðan endanlega skilmála einkaleyfisins og umsækjendur geta síðan tekið þátt í uppboði en tekjurnar af því renna í ríkissjóð.

Einkaleyfishafinn skal til viðbótar uppboðsfjárhæðinni greiða árlegt framlag að fjárhæð NOK 20 miljóna króna til framleiðslu á norskum kvikmyndum og leikritum. Rásin skal hafa að minnsta kosti jafn mikla landfræðilega útbreiðslu og TV 2 hefur nú. Einkaleyfið verður veitt til 10 ára. Dagskrárframboð rásarinnar skal hvíla á grundvallarreglum varðandi almenningsútvarp, og rásin skal hafa á boðstólum þætti fyrir stóra hópa og minni hópa, meðal annars fyrir Sama og minnuhlutahópa, daglega fréttaþætti og njóta ritstjórnarlegs sjálfstæðis”, segir meðal annars í fréttatilkynningunni.

„Yfirmaður TV2, Kåre Valebrokk, er lítt ánægður með nýja skipulagið og óttast að það geti orðið kostnaðarsamt fyrir TV2”, segir í Aftenposten.

Heimild: Menningarmálaráðuneytið/Aftenposten

„Á mörgum öðrum dagblöðum er erfið fjárhagsstaða”, segir afrám. „Í þeim tilgangi að vernda um fjölbreytni í fjölmiðlun er lagt til að rekstrarstyrkur verði hækkaður um 3% um 2001. Tillagan felur í sér að dagblöð sem eiga rétt á stuðningi fái 14 miljónir sænskra króna aukalega á ári. Áhersla ríkisstjórnarinna á almenningsþjónustu heldur áfram með því að lagt er til að Sænska sjónvarpið hf. (SVT), Sænska útvarpið hf. (SR) og Sænska fræðsluútvarpið hf. (UR) fái auk reglulegs fjölmiðlastyrks 45 miljónir sænskra króna árið 2001 til endurnýjunar og aukinnar áherslu á nýja tækni. Ennfremur er lagt til að SVT fái 75 milljónir s. kr. til framleiðslu sérstaklega vandaðra þátta og Sænska útvarpið fái 5 miljónir s.kr. til þess að auka gæði í dagskránni.

Undirbúningsnefnd þingsins skipuð fulltrúum úr öllum flokkum á þinginu vinnur að viðmiðunarreglum sem eiga að gilda um almenningsþjónustufyrirtækin á næsta leyfistímabili sem hefst árið 2002. Ríkisstjórnin leggur til að stafrænar sjónvarpssendingar á jörðu niðri verði látnar ná til alls landsins.

Ríkisstjórnin hefur ákveðið að sérstakur aðili skuli endurskoða tiltekin ákvæði í útvarpslögunum (1996:844) og lögunum (1989:41) um sjónvarpsgjald.

Unnið er að því að vernda börn og ungmenni gegn skaðlegu efni í fjölmiðlum, t.d. ofbeldi og klámi. Spurningin verður í brennidepli þegar Svíar taka við formennsku í ESB. Málþing um börn og ungmenni í nýja fjölmiðlasamfélaginu verður haldið í Stokkhólmi 12. – 13. febrúar 2001”, segir í fréttatilkynningunni.

Heimild: Menningarmálaráðuneytið

Media II á að verða Media Pluss og framkvæmdastjórn ESB hefur lagt til að varið verði 400 miljónum evra til verkefnisins á fjögurra ára tímibili.

Að því er Aftenposten er tjáð styðja flest aðildarríkin tillöguna en „... Bretar og Hollendingar, og mjög svo Þjóðverjar álita að þetta sé allt of mikið”, segir Aftenposten. „Svo virðist sem að þeir samþykkja hámark 350 miljónir evra (28 miljarða ísl. kr.). Þótt ekki virðist bera mikið í milli standa menn fastir á sínu. Ekki mun hafa verið neinn sáttarvilji á aukafundinum í gær.

– Við vinnum áfram og stefnum að málamiðlun segir Marita Ulvskog, mennningarmálaráðherra Svía, við Aftenposten. Málið verður tekið fyrir á nóvemberfundi menningarmálaráðherra”, segir Aftenposten.

Heimild: Aftenposten