Medier i Norden

Heimild: Menntamálaráðuneytið

Sem stendur rekur aðeins YLE (Rundradion) stafræna útvarpsstarfsemi. Ætlunin er að veita leyfi til stafræns útvarps í vor.

Lögunum um fjarskipti er breytt og rafrænu fjarskiptin þróast
Samgönguráðuneytið leggur æ meiri áherslu á að vera ráðuneyti sem annast viðfangsefni varðandi upplýsingasamfélagið. Lögunum sem gilda um fjarskiptanet er breytt svo að sömu lög gildi um fjarskipti um föst net, farsímanet og stafræn sjónvarpsnet. Jafnvel reglurnar um notkun netanna verða samræmdar. Í krafti nýju laganna ættu að hvíla sömu skyldur á eigendum fjarskiptanetanna óháð tækninni. Eiganda stafræns sjónvarpsnets ætti t.d. að vera skylt að láta öðrum í té flutningsgetu.

Bæði í fjölmiðla- og netfjarskiptunum er lögð áhersla á inntak fjarskiptanna. Markmiðið er að sjálfstjórnin innan greinarinnar verki hvað varðar óæskilegt eða skaðlegt efni.

Samgönguráðuneytið hyggst auka möguleika þeirra sem stunda einkarekstur á geta boðið öllum notendum hagstæða og fyrsta flokks upplýsingasamfélagsþjónustu. Samgönguráðuneytið óskar sérstaklega eftir að auka traust borgaranna á þjónustu upplýsingasamfélagsins, svo og færni borgaranna í að nýta þessa þjónustu.

Skapa verður forsendur fyrir rafrænum viðskiptum og starfsemi netverslana á alþjóðavísu. Samgönguráðuneytið óskar eftir að hraða ákvörðunartöku í Evrópu og auka skilvirknina svo að löggjöfin haldist í hendur við þróunina.

Heimild: Menntamálaráðuneytið

Í könnuninni kemur í ljós að þeir karlar sem birtast á skjánum eru flestir í aldurshópnum 35 til 49 ára og ennfremur að konur eru fjölmennastar í hópnum 20 til 30 ára. Svipaðar tölur koma í ljós þegar fréttatímar sjónvarpsstöðvanna eru sérstaklega skoðaðir. Af öllum þeim einstaklingum sem birtast í fréttum eru 27% þeirra konur en 73% eru karlar. Hið talaða mál kvenna í fréttatímum er hins vegar 15% af heildartíma talaðs máls og eftir því sem ofar dregur í aldri fækkar konum, sem viðmælendum, hlutfallslega samanborið við karlana.

Í niðurstöðunum kemur einnig fram að við rannsókn á efni þriggja stærstu íslensku dagblaðanna hafi komið í ljós að meirihluti frétta og blaðagreina er án kynjaslagsíðu, þ.e. ekki má greina kynbundna áherslu, en þegar því sleppir er hlutur kvenna í dagblöðum rýr. Mun meira er fjallað um karla en konur og karlar eru mun oftar tilefni frétta en konur. Er það einkum í málaflokkum eins og minningargreinum og slúðurfréttum sem konur fá tiltölulega mesta umfjöllun.

Hutverk viðmælenda í fréttatímum sjónvarps er nokkuð misjafnt eftir kynferði. Þegar rætt er við stjórnendur fyrirtækja og stofnana eru það í 97,6% tilvika karlmenn og þegar rætt er við opinbera embættismenn eru það í 89% tilvika karlmenn. Af öllum hlutverkunum er konan mest áberandi sem listamaður eða í kringum 51% og sem fórnarlamb í 46% tilvika."

Konur eru vart sýnilegar í sjónvarpsfréttum þegar fjallað er um efnahags-, stjórn- eða atvinnumál nema í undantekningartilfellum. Sé þessi mynd sem dregin er upp af fjölmiðlum til marks um valdahlutföll samfélagsins má ljóst vera að áhrif kvenna eru fyrirferðarlítil nema í fáum tilvikum og í nær eingöngu þeim málum sem tengjast hefðbundnum kvennamálum.

Heimild: Menntamálaráðuneytiðð

Aðstandendur ráðstefnunnar telja að vinna þurfi markvisst að því að:

· Auka hlut kvenna í tækninámi - ekki síst í námi í tölvunarfræði, verkfræði og kerfisfræði því þar eru konur í miklum minnihluta.
· Vekja athygli foreldra og kennara á mikilvægi þess að virkja áhuga stúlkna á upplýsingatækni og skapa stúlkum ekki síðri möguleika en drengjum á heimilum og í skólum.
· Breyta ímynd upplýsingaiðnaðarins með því að draga fram í dagsljósið að störf á þessu sviði henta konum alls ekki síður en körlum. Draga fram þætti sem höfða til stúlkna og kynna skipulega t.d. í námsráðgjöf og fjölmiðlum.
· Í boði verði aukið efni á vef sem höfðar sérstaklega til stúlkna og hvetur þær til virkrar þátttöku í upplýsingasamfélaginu.
· Safnað verði saman áhugaverðum niðurstöðum um kynjafræðilegar rannsóknir sem stundaðar hafa verið á þessu sviði hér á landi og erlendis og þær kynntar.
· Gerðar verði kynjafræðilegar rannsóknir á þessu sviði hér á landi.
· Umræða um þátt kvenna í upplýsingasamfélaginu verði aukin.

Heimild: Daily News from Iceland

Vilyrði til framleiðslu árið 2001 hlutu ennfremur fimm heimildar- og stuttmyndir, samtals 12,2 milljónir, en tvær heimildarmyndir og ein teiknimynd hljóta framlög á árinu 2000 í samræmi við vilyrði síðasta árs. Þá hlutu tíu aðilar framlög til handritsgerðar og -þróunar á árinu 2000, 300.000 kr. hver. Alls nema framlög til kvikmyndagerðar á þessu ári 132 milljónum króna og útgefin vilyrði til kvikmyndagerðar árið 2001 eru samtals 150 milljónir.

Alls bárust 205 umsóknir um úthlutun úr kvikmyndasjóði, sem er næstum því tvöföldun frá því í fyrra. Þar af eru 47 umsóknir vegna framleiðslu á stórum bíómyndum, en í fyrra voru þær 30 og 20 árið þar áður. Auk þess bárust 92 umsóknir um handritsstyrki, 46 umsóknir um heimildarmyndir, 18 um stuttmyndir og tvær um teiknimyndir."

Vilyrði fyrir hæstu styrkjunum á næsta ári hlutu Ísfilm til framleiðslu á myndinni Mávahlátur í leikstjórn Ágústs Guðmundssonar, 40 milljónir, og Íslenska kvikmyndasamsteypan til framleiðslu á myndinni Fálkar í leikstjórn Friðriks Þórs Friðrikssonar, einnig 40 milljónir. Þá fékk Íslenska kvikmyndasamsteypan vilyrði fyrir 30 milljónum til myndarinnar Regínu í leikstjórn Maríu Sigurðardóttur. Vilyrði um 10 milljónir hlaut Íslenska kvikmyndasamsteypan vegna myndarinnar Monster í leikstjórn Hal Hartleys, Kvikmyndafélag Íslands fékk 10 milljóna vilyrði vegna myndarinnar Íslenski draumurinn, sem Robert Douglas leikstýrir, og Zik Zak kvikmyndir fengu 7,5 milljóna vilyrði fyrir myndina Gemsar í leikstjórn Mikaels Torfasonar.

Nýr vefur um íslenska kvikmyndagerð
Við úthlutunina opnaði menntamálaráðherra nýjan vef á Netinu um íslenska kvikmyndagerð, á slóðinni www.icelandicfilms.com, en þar er verið að byggja upp allsherjar gagnagrunn um íslenskar bíómyndir.

Í ávarpi sínu við úthlutunina gerði framkvæmdastjóri Kvikmyndasjóðs, að umtalsefni hina miklu uppsveiflu sem nú er í íslenskri kvikmyndagerð og vísaði þar til nýrra kvikmynda sem nú ganga í kvikmyndahúsunum. Allt væru þetta miklar myndir sem hefðu hlotið lof gagnrýnenda og almennings. Enn fleiri myndir væru væntanlegar á næstu vikum og mánuðum og myndi hin íslenska kvikmyndabylgjan líklega skella á meginlandi Evrópu og víðar síðar á árinu. Framkvæmdastjórinn sagði ennfremur að fjárhagsgrundvöllur Kvikmyndasjóðs hefði batnað verulega síðustu misserin. Hann hafi raunar tekið stakkaskiptum með því samkomulagi sem gert var milli menntamálaráðherra, fjármálaráðherra og aðila í íslenskri kvikmyndagerð í desember 1998 um stóraukin framlög ríkisins til Kvikmyndasjóðs.

Heimild: Menntamálaráðuneytið

„Öllum grunn- og framhaldsskólum landsins, almenningsbókasöfnum, sjúkrahúsum og sveitarstjórnum skal boðin tenging við háhraðafjarskiptanet, svonefnd breiðbandsnet, fyrir lok ársins 2002", segir í fréttatilkynningu frá samgönguráðuneytinu.

„Á næstu fjórum árum á norska þjóðin að fá tilboð um tengingu við breiðbandsnet og aðgang að breiðbandsþjónustu á vinnustað, í námi og á heimilum á hagstæðu verði", segir í fréttatilkynningunni.

Heimild: Samgönguráðuneytið

„- Aðeins norskum fyrirtækjum sem hafa leyfi er heimilt að senda um jarðnetið, þess vegna er það sem við höfum sagt að aðeins þau fá að vera með á tilraunatímabilinu" segir Dag Løvdal, skrifstofustjóri hjá Fjölmiðlaumsýslu ríkisins við Aftenposten.

„Norkring sem á að byggja upp jarðnetið virðir að vettugi ákvörðun Fjölmiðlaumsýslunnar og leitast við að fá stöðvar eins og TVNorge, TV3, Canal+ og aðrar erlendar stöðvar með í tilraunaútsendingarnar.

- Við gerum ráð fyrir að fá leyfi hjá stjórnvöldum" segir framkvæmdastjóri í Norkring, Svein R. Aarvik við Aftenposten.

Einar Førde, útvarpsstjóri álítur að hinn mikli fjöldi aðila leiði til vandræða fyrir NRK 1 sem þarf gott athafnarými á stafræna netinu. Førde tjáir Aftenposten að blanda af breiðbandi og jarðneti sé það besta fyrir NRK. Á stjórnarfundi NRK 12. april verður samþykkt ályktun í tilefni af málinu.

Heimild: Aftenposten

„Í krafti nýju laganna er öll meðhöndlun myndlykla í viðskiptaskyni ólögleg án samþykkis þjónustuaðilans. Með myndyklum er átt við allan búnað eða hugbúnað sem er hannaður þannig eða aðlagaður að hann veiti ólæsta aðgang að þjónustu sem lögin fjalla um. Þjónusta sem lögin ná til eru útvarps- og sjónvarpssendingar svo og þjónusta upplýsingasamfélagsins.

Ólögleg meðferð myndlyklabúnaðar getur valdið verulegum skaða og leitt til verulegs kostnaðar fyrir þjónustuaðilana. Slík meðhöndlun getur jafnvel haft slæmar afleiðingar fyrir menningarlífið. Hámarksrefsing vegna brots á lögunum er því hert úr núverandi fangelsi í sex mánuði í fangelsi í tvö ár hið mesta. Jafnvel möguleikarnir á málshöfðun aukast. Meðal annars verður heimilt að höfða mál þegar málshöfðandi kærir brotið.

Sá sem brýtur gegn lögunum skal greiða sanngjarnar bætur vegna þess fjárhagstjóns sem brotið hefur haft í för með sér.

Frumvarpið Utökat skydd för kodade tjänster (Aukin vernd fyrir læsta þjónustu) er að finna á heimasíðu menningarmálaráðuneytisins", segir í fréttatilkynningunni.

Heimild: Menningarmálaráðuneytið

Heimild: Atvinnumálaráðuneytið